وزيراعظم شهباز شريف په شمالي وزيرستان كښې د فتنه الخوارجو په ضد په كامياب آپريشن د امنيتي ځواكونو افسرانو او ځوانانو ته پېرزوئنې وړاندې كړې

اسلام آباد 02 اپرېل (اے پي پي) وزيراعظم محمد شهباز شريف په شمالي وزيرستان كښې په پاك افغان پوله د فتنه الخوارجو په ضد په كامياب آپريشن كښې د اته خوارجو په وژلو د امنيتي ځواكونو د افسرانو و ځوانانو د وظيفائي صلاحيتونو ستائنه وكړه۔ د زيارت په ورځ د وزيراعظم آفس ميډيا ونګ لخوا د جاري بيان له مخې وزيراعظم ووئيل هېواد څخه د ترهګرۍ لعنت تر بشپړه خاتمې به د هغوي په ضد جنګ روان ساتو٬ زما پشمول ټول قام د ترهګرۍ په ضد د جنګ غېر متزلزل عزم كښې پاك پوځ سره اوږه په اوږه ولاړ دے۔