د قامي اسمبلۍ سپيكر سردار اياز صادق د هند مرسته لورنكو 13 ترهه ګرو په ووژلو امنيتي ځواكونو ته پيرزوئنې وړاندې كړې

اسلام آباد 24 ستمبر(اے پي پي)د قامي اسمبلۍ سپيكر سردار اياز صادق ډېره اسماعيل خان كښې د كاميابو آپرېشن د لارې د هند 13 سپانسرډ ترهه ګرو په وژلو امنيتي ځواكونو ته پيرزوئنې وړاندې كړې دي ۔د شورو په ورځ په خپل پېغام كښې ده ووئيل د هند سپانسرډ ترهه ګرو په ضد د امنيتي ځواكونو بهادر ځوانان د قام حقيقي اتلان دي٬د ترهه ګرۍ خاتمې لپاره امنيتي ځواكونو قربانۍ نه هېردونكي دي٬ د هند سرپرستۍ كښې د فعاله خوارجو خاتمې لپاره د ځواكونو غېر متزلزل عزم د ستائنې وړ دے۔ده ووئيل د ترهه ګرو سهولت كار او د هېواد دښمنه عناصر خپل انجام ته رسول د وخت مهم ضرورت دے۔ده ووئيل د امنيتي ځواكونو پرله پسې كاميابۍ د پاكستان پرامن سباؤن ضمانت دے٬د ترهه ګرۍ په ضد به د امنيتي ځواكونو قربانۍ بې ځايه نه ځي٬ ده ووئېل ټول قام د امنيتي ځواكونو سره اوږه په اوږه ولاړ دے۔