اسلام آباد 29 اګست (اے پي پي) د خزانې وزير سېنېټر اورنګزيب وئيلي دي چې پاکستان يو اے اي سره اقتصادي او د سرمايه كارۍ شراكتدارۍ ته اهميت وركوي٬ د يو اے اي سرمايه كارو ته د هر ډول ممكنه سهولتونو وركولو عزم لرو٬ د كان كنۍ په څانګه كښې په خاص توګه د ريکوډك په پراجيکټ كښې په زړه پورې موقعې موجود دي٬ ټېرف اصلاحات او ډيجيټل او ايکسپورټ پروموشن پاليسيز د حکومت د راتلونكې اصلاحاتي ايجنډے عکاس دي۔ د خزانې وزير د دې خيالاتو څرګندونه د جمعې په ورځ په ابوظهبي كښې نړيوال سرمايه كارو ته سټريټجك ايډوائزري خدمات د وركوٶنكې كمپنۍ اي آئي اېکس ګروپ چيف انفارميشن آفيسر محمد برادي په مشرۍ كښې د يو اے اي د نوموړو سرمايه كارو او سوداګرو پلاوي سره په ملاقات كښې وكړه۔ د پلاوي هركلې كولو سره د خزانې وزير د دوي د پاكستان دورې ستائنه كولو سره د دې اميد څرګندونه وكړه چې حکومتي اهلکارو، د نجي څانګې نمائندګانو او ځائي سرمايه كارو سره ملاقاتونو به تاسو ته په هېواد كښې د سرمايه كارۍ صلاحيتونو سره اړوند صيرت دركړې وي۔ ده ووئيل چې پاکستان يو اے اي سره اقتصادي او د سرمايه كارۍ شراكتدارۍ ته اهميت وركوي او د يو اے اي سرمايه كارو ته د هر ډول ممكنه سهولتونو وركولو عزم لري۔
