اسلام آباد 29 اګست (اے پي پي) د ايران،عراق او سوريه د مقدس ځايونو مجاز زائرين ګروپ آرګنائزرز ته د رجسټريشن عمل بشپړېدو څخه وروستو سرټيفکېټ جاري كړے شوے ےدے۔ د جمعې په ورځ د سرټيفکيټس اجراء دستورې په مهال خپلو خبرو كښې د مذهبي چارو وزير سردار محمد يوسف ټولو رجسټرډ زيډ جي اوز له مباركي وركولو سره ووئيل چې د زيارت مجاز كمپنۍ دې زيارت كوٶنكو ته د سفر٬ استوګنې٬ خوراك او نور سهولتونه وركول باوري كړي٬ موجوده حکومت د زيارت پاليسۍ نافذ كولو عمل پېل كړے دے٬ حكومت پرېكړه كړې ده چې موجوده سالار سسټم به په بشپړه توګه ختمولې شي ٬ د ايران، عراق او سوريه زائرين به يوازې د رجسټرډ زيډ جي اوز د لارې سفر كولې شي۔ د نوې نظام د لارې به زيارت كوٶنكو ته ښه سهولتونه٬ سپېځلې طريقه كار او د خوندي سفر سهولت وركولې شي۔ د يادونې وړ ده چې د مذهبي چارو وزارت ته تر اوسه رجسترېشن لپاره 1,413 درخواستونه موصول شوي او تر اوسه د 585 کمپنو سيکورټي کليئرنس ترلاسه شوے دے٬ په وړومبي پړاٶ كښې 24 كمپنۍ مطلوبه دستاوېزات بشپړولو سره رجسټريشن لپاره اهل ګرځولې شوې دي٬ پاتې كمپنو له به د دستاوېزاتو په بشپړولو د رجسټرېشن سرټيفکيټ جاري كولې شي۔
