شېخوپوره 29 اګست (اے پی پی) د قومي غذائي تحفظ او تحقيق وفاقي وزير رانا تنوير حسين د شېخوپوره ډپټي كمشنر شاهد عمران مارته سره د سېلاب ځپليو سيمو دوره وكړه۔ د قامي اسمبلۍ غړي رانا تنوير حسين فيض پور كلاں٬ نانو ډوګراں٬ بهولے شاه او نورو كلي والو سيمو كښې د سېلابي صورتحال جاج واغست۔ د نېشنل فوډ سكيورټي وفاقي وزير او د قامي اسمبلۍ غړي رانا تنوير حسين د فلډ رېليف كېمپس معائنه هم وكړه۔ ډپټي كمشنر رانا تنوير حسين ته بريفنګ كښې ووئيل چې راوي درياب كښې د اوبو په جريان نظر ساتوو٬ټولې محكمې الرټ دي د كوم هم هنګامي صورتحال به سمدستي رېسپانس كولې شي۔ د سېلاب ځپليو د ځان او مال تحفظ لپاره ټول افسران او عمله متحرك ده۔د قامي اسمبلۍ غړي رانا تنوير حسين ځايې نمائندګانو او سېلاب ځپليو سره ملاقات هم وكړو۔ وفاقي وزير رانا تنوير حسين د سېلاب ځپليو ترمينځه خوراك هم تقسيم كړو۔ ايډېشنل ډپټي كمشنر جنرل نعمان علي ډوګراو د اسسټنټ كمشنر٬رېسكيو 1122 ٬ سول ډيفنس پشمول نور افسران هم په دې موقع موجود وو۔د پاكستان حكومت او پنجاب حكومت د سېلاب ځپليو ځان او مال تحفظ لپاره شپه ورځ هڅې كوي۔ وفاقي وزير ووئيل د قامي اسمبلۍ غړي دې سېلاب ځپليو ته فلډ ريليف كيمپس كښې د استوګنې٬خوراك او اوبو په شمول نورې آسانۍ رسول په وخت باوري كړي۔
