اسلام آباد۔29 اګست(اے پی پی) د تجارت وفاقي وزير جام كمال خان اعلان كړے دے چې حكومت راروانو 5 كلونو لپاره يوې بشپړې ټېکسټائل و ملبوسات پالېسۍ او قومي صنعتي پالېسۍ ته حتمي شكل وركوي چې مقصد يۍ د پاكستان صنعت په سيمه ايزه توګه مسابقتي جوړول ٬ تجارتي ركاوټونه ختمول او په برآمداتو كښې تلپاتې اضافه باوري كول دي۔ د دې خيالاتو څرګندونه ده د جمعې په ورځ د تجارت په وزارت كښې د غونډې مشري كولو په مهال وكړه۔ په غونډه كښې د پاكستان ټېكسټائل كونسل چيئرمېن عامر فیاض شېخ، د آل پاکستان ټېکسټائل ملز اېسوسی اېشن (اپټما) چيئرمېن کامران ارشد، د فضل کلاتھ سی ای او رحمان نسیم او د اپټما اي ډي شاهد ستار ګډون وكړو۔ د وزيراعظم د صنعت او پېداوار خاص مرستيال هارون اختر خان هم غونډه كښې موجود ؤ۔ د تجارت وزير ووئيل ټېکسټائل و ملبوسات پالیسی په داسې ډول تشكيل كولې شي چې ورسره پېداواري لګښت كم شي٬ ده ووئيل پاكستان له به تلپاتي پرمختګ لپاره په برآمداتو انحصار كول وي او حكومت به دا خبره باوري كوي چې ټولې پرېكړې به د اسټېك هولډرز مشاورت سره وكړې شي۔ ده د سيمه ايزو حريف هېوادونو د پالېسيو تجزيه كولو صنعت تجويز خوشبينه وګرځولو او د ډھاكې خپلې اوسنۍ دورې مشاهدې يۍ هم ګډې كړې چرته چې هغه د بنګله دېش په صنعتي پرمختګ او د ريډي مېډ ګارمنټس په برآمداتو كښې په زړه پورې كاميابۍ نزدې څخه وليدلې ۔ خاص مرستيال هارون اختر خان ووئيل چې صنعي پالېسي ب ه يو څو څانګو ته محدود نه وي بلكې دا به د پراخا صنعتي منظر نامې احاطه وكړي۔ د اپټما پلاوي حكومت ته خواست وكړو چې ساختي روكاوټونه دې ختم كړې شي او داسې سازګار چاپېريال رامخے ته كړے شي كوم چې په نړيواله منډۍ كښې د برآمدي څانګو مسابقت اغېزمن نه كړي
