اسلام آباد۔18جولائی(اے پی پی) وزیراعظم شهباز شریف د جهلم ضلعې سېلاب ځپلې سيمه كښې د رېسكيو آپرېشن په مهال د خلrو ژوند بچ كونكي د پنجاب پوليس اهلكار كانسټېبل حېدر علي ته د عقيدت پېروزئنې وړاندې كولو سره وئيلي دي چې حېدر علي د قام وياړ دے۔ د جمعې په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم ووئيل حېدر علی د خپل ځان پرواه كولو نه غېر يو شمېر كسان د سېلابي اوبو نه راويستل ٬ حيدر علي شهيد د ټول قام وياړ دے۔ ده ووئيل د حېدر علي شهيد د كورنۍ خېر ښېګړې له به هر ممكن ګامونه پورته كولې شي۔ وزیراعظم ووئيل د پاكستان پوليس ٬ د امنيتي ځواكونو ځوانانو ٬ د اېن ډي اېم اے او پي ډي اېم اے اهلكارو په اوسني سېلابي صورتحال كښې په زړه پورې رېسكيو آپريشنز ترسره كړل۔ وزیراعظم د شهيد حېدر علي لوړو درجو لپاره دعا او د هغه كورنۍ سره غمرازي ښكاره وكړه
