د شاليمار ريكارډنګ كمپنۍ د ملازمينو د روزګار تحفظ له د كمپنۍ بحالول ضروري دي٬ عدالت ته استدعا كولو له راغلې وو ٬ د تېر دور يو حكومت پي آئي اے ته د اربونو روپو زيان ورسولو ٬ د اطلاعاتو او خپرونو وفاقي وزير عطاﺀ تارړ

اسلام آباد۔18جولائی(اے پی پی) د اطلاعاتو او خپرونو وفاقي وزير عطاﺀ تارړ وئيلي دي چې د شاليمار ريكارډنګ كمپنۍ بحالۍ لپاره بزنس پلان به په عدالت كښې جمع كړے شي٬ د كمپنۍ 300 څخه د زياتو ملازمينو د روزګار تحفظ لپاره د كمپنۍ بحالول ضروري دي٬ د تېر دور د يو حكومت غېر مسوؤلانه بيان د لاسه پي آئي اے د اربونو روپو زيان سره مخ شوه ٬ خېبر پښتونخوا حكومت كښې نااهلي او كرپشن انتها ته رسېدلے دے۔ د جمعې په ورځ د اسلام آباد هائي كورټ مخې ته ميډيا سره خبرو كښې وفاقي وزير ووئيل د اېس آر بی سی کمپنۍ بحالۍ لپاره عدالت ته استدعا كولو له راغلې وو٬ عدالت ته مو خپل دريځ وړاندے كړے دے۔ ده ووئيل د كمپنۍ 300 څخه د زياتو ملازمينو د روزګار تحفظ لپاره د كمپنۍ بحالول ضروري دي۔ وفاقی وزیر ووئيل عدالت بزنس پلان جمع كولو له احكامات جاري كړې دي٬ د كمپنۍ بحالۍ لپاره به بزنس پلان جمع كولې شي۔ ده ووئيل د ملازمینو تنخاګانې اكاؤنټ ته راغلې دي ٬ عدالت لیکویډیټر ته هدايت كړے دے چې د اېس آر بي سي ملازمينو ته دې تنخاګانې ادا كړې شي۔ ده ووئيل اورېدنه د قانون له مخې روانه ده۔ د يوې پوښتنې په ځواب كښې وفاقي وزير ووئيل د تېر وخت يو حكومت غېر مسوؤلانه بيان وركولو سره پي آئي اے ته د اربونو روپو زيان ورسولو۔ ده ووئيل د پاك پروردګار شكر دے چې زمونږ په دور كښې د پي آئي اے پروازونه اروپا او برېتانيې لپاره بحال شوي دي۔ د يوې بلې پوښتنې په ځواب كښې ده ووئيل په خېبر پښتونخوا حكومت كښې نااهلي او كرپشن په انتها دے٬ په سوات درياب كښې سېلګري ډوبېدو څخه بچ نه كړې شول