ګورنر فیصل کریم کنډي سره د نیسلے پاکستان پلاوي ملاقات، خیبرپښتونخوا كښې په مختلف څانګو كښې د دوه اړخيزې مرستې په امکانات د خيالاتو څرګندونه اسلام آباد۔18نومبر (اے پي پي ) د خیبر پښتونخوا ګورنر فیصل کریم کنډي سره د نیسلے پاکستان د مختلف څانګو مشرانو پلاوي ملاقات وكړو ،ملاقات كښې د خوښې په چارو او د نیسلے پاکستان د اړخه هېواد كښې د صحت مند پاکستان لپاره د شروع کړو هلو ځلو په اړه خبرې اترې وشوې ۔ګورنر آفس نه جاري بیان تر مخه د نیسلے پاکستان سینئر منیجر پبلک پالیسي اینډ ګورننس، عاتکه میر خان ، د نیسلے د کارپوریټ چارو مشر شیخ وقار احمد ٬ د کارپوریټ چارو مینیجر او د نیسلے د ماشومانو د صحت پروګرام مشرې زائرہ احمد ګورنر فیصل کریم کنډي سره ملاقات وكړو ۔ چې پكښې بېلو څانګو كښې د دوه اړخيزه مرستې په امکانات غور او خبرې وشوې۔ ملاقات كښې د نیسلے ډلې ګورنر د خپلې کمپنۍ د بېلو منصوبو او پروګرامز نه خبر كړو كومې چې په خاص توګه د ماشومانو صحت او غذائیت ښه والي ، ترقۍ او د اولس ښیګرې له پېل شوي ۔دغسې د نیسلے فار هیلتھ كیئر کډز پروګرام په اهمیت او د ماشومانو د صحت مندو عادتونو په وده خاص خبرې وشوې۔په دې مهال ګورنر فیصل کریم کنډي د نیسلے د اړخه د ټولنې ښیګرې له د كوونكو هلو ځلو ستائنه وكړه ٬ ده ووئېل د نجي څانګې د اړخه داسې ډول شراکت داري د اولس په ژوند كښې مثبت بدلون راوستلې شي ۔ ده ووئېل د خیبرپښتونخوا ګورنر هائوس د داسې کمپنیو سره د مرستې ډاډ ګېرنه كوي كومې چې صوبه كښې د صحت، تعلیم، او ماحولیاتي پائیدارۍ په څانګو كښې مثبت کردار ادا کولو لپاره چمتو دي ۔دغسې د ۔نیسلے ډلې د ګورنر فیصل کریم کنډي د اولسي مسائلو او ستونزو حل كښې د خوښۍ لرلو ستائنه وكړه او ده ته يې پېرزوئنې وړاندې كړې۔