بوليويا كښې د ټرافكي پېښې په نتيجه كښې 16 كسان مړه ، 14 ژوبل

لاپاز 21 جولائي (اے پي پي) بوليويا كښې د كارګو ټرك او د مسافرو بس خپلو كښې وجنګيدل چې په نتيجه كښې ئې 16 كسان مړه او 14 نور ژوبل شول۔ شنهوا له مخې د لا پاز ټرافك آپريشنل آرګنائزېشن ايكسيډنټ ډويژن ډائريكټر نيلو ټوريكو ووئيل چلي سره د هېواد په پوله بوليويا ته بيرته راتلونكې د كارګو يو ټرك د چلي آريكا سيمې پلو روان د مسافرو بس سره وجنګيدو چې په نتيجه كښې ئې 16 كسان مړه او 14 ژوبل شوې دي كومو كښې چې 7 ميرمنې او 7 نارينه شامل دي٬ مړه او ژوبل كسان نزدې روغتون ته رسولې شوې دي۔پېښه كښې دواړه ډارئيوران مړه شوې دي۔ پوليس د پېښې پلټنې پيل كړې دي۔