د بنګله ديش او افغانستان ترمينځه دريم او وروستې يو ورځنې ميچ په 11 جولائي كېږي

چټاګانګ۔9جولائی(اے پی پی) د بنګله دېش او افغانستان كركټ لوبډلو ترمينځه درېم او وروستې يو ورځنې مېچ د جولائي په 11 مه نېټه په ظهور احمد چوهدری سټېډیم ، چټاګانګ كښې كېږي۔ د بنګله دېش لوبډله به د لټن داس او افغان لوبډله به د حشمت الله شاهدي په مشرۍ كښې مېدان ته كوزيږي۔ مېلمه لوبډلې افغانستان ته په سيريز كښې د 0-2 پرېكنده بريا ترلاسه ده۔ په اولني مېچ كښې افغانستان بنګله دېش ته 17 رنز او دويم مېچ كښې 142 رنز سره ماتې وركولو سره سيريز خپلې نامې ته اړولې وو۔