پاكستان كښې د سېلاب له امله شوې تباه كارو نه پس تعمير نو لپاره نړيوالي ورورولۍ له لوئ مرستي ته اړتيا ده۔ د ملګرو ملتونو سيكرټري جنرل

ملګري ملتونه 20 دسمبر (اے پي پي) د ملګرو ملتونو سيكټري جنرل انتونيو ګوتريس په ټوله نړۍ زور راوړې چې پاكستان كښې د سېلاب له امله شوې تباه كارو نه پس تعمير نو لپاره نړيوالي ورورولۍ له لوئ مرستي ته اړتيا ده۔ده د سېلاب له امله ځپلې شوي هېواد پاكستان كښې تعمير نو كار لپاره مرستي متحرك كولو په اړه جنيوا كښې په 9 جنوري پيل كيدونكې نړيوال كنفرنس په اړه د پاكستان سركاري خبر رسني ايجنسۍ’’اے پي پي‘‘ د اړخه د پوښتنې په ځواب كښې ووئيل د نړيوالي ورورولۍ دا لويه ذمه واري ده چې د پاكستان مرسته وكړي۔ پاكستان كښې د سېلاب له لامله 3 كروړه 30 لكهه كسان ځپلې شوي او 1700مړه شوي۔ سيكرټري جنرل نيويارك كښې د ملګرو ملتونو هيډكوارټرز كښې يو پرېس كنفرنس په مهال ووئيل د پاكستان مرستي لپاره د نړيوالي ورورولۍ متحرك كولو په اړه هر ممكن هڅو له لوظي يو۔ ده ووئيل ما د سېلاب نه پس د پاكستان دوره كړې او د سېلاب له امله په شوي لويه توګه تباه كارو حيران شوې يم۔