د افغان ځواكونو لخوا په چمن پوله د ډزو پېښې په ضد پنجاب اسمبلۍ كښې د غندنې قرارداد جمع كړے شو

لاهور 12 دسمبر (اے پي پي) د افغان ځواكونو لخوا په چمن پوله د ډزو پېښې په ضد پنجاب اسمبلۍ كښې د غندنې قرارداد جمع كړے شوے٬ قرارداد د مسلم ليګ نون غړې سميرا کومل لخوا د ګل په ورځ جمع كړے شو۔ په قرارداد كښې وئيلي شوې دي چې دا ايوان په چمن كښې د افغان فورسز لخوا د ډزو د پېښې په سختو ټكو غندنه كوي چې پكښې 6 وګړي شهيدان او 17 ژوبل شوي٬ د دې نه څو ورځې وړاندې هم په چمن پوله افغان ځواكونو بريد كړې چې پكښې يو پاكستانې وګړې شهيد شوې وو، دا ايوان د افغان فورسز لخوا د پاكستان په شهري آبادۍ د ډزو په پېښه د تشويش څرګندونه كوي۔ په دې موقع پاكستاني ځواكونو د ذمه وارۍ څرګندونه كولو سره بشپړه دفاع كړې ده، دا ايوان افغان حکومت څخه غوښتنه كوي چې ذمه وار دې رامخې ته كړې شي او دوي ته دې سزا وركړې شي