د پيډو ملازمينو د سېلاب ځپليو لپاره د 2 ورځو تنخا په فلډ رېليف فنډ كښې د جمع كولو اعلان وكړو

پیښور 01 ستمبر (اے پي پي)د خېبرپښتونخوا د انرجي ډوېلپمنټ آرګنائزېشن(پيډو) ملازمينو د سېلاب ځپليو لپاره د 2 ورځو تنخا په فلډ رېليف فنډ كښې د جمع كولو اعلان كړے٬دا اعلان د پيډو انتظامې پشمول افيسر اېسوسي اېشن او د پيډو ايمپلائز يونين په شريكه غونډه كښې شوے۔د غونډې تفصيلات وئېلو كښې د پيډو آفيسر اېسوسي اېشن جنرل سېكرټري فضل رحيم خان ووئيل په غونډه كښې په كوهستان او سوات كښې بجلي ګهرو ته د اوسني سېلاب له امله په زيان افسوس او په دې خبره د اطمينان څرګندونه شوې چې د پيډو انتظاميې لخوا په وخت د حفاظتي انتظامات له مخې پيډو پاور هائوسز ته د لږ نه لږ زيان رسېدلے۔په غونډه كښې پريكړه شوې د پيډو افسرانو لخوا به د دوه ورځو او د نورو ملازمينو د يوې ورځې تنخا د سېلاب ځپليو مرستې لپاره جوړ كړي فلډ رېليف فنډ كښې جمع كولې شي۔