د نړيوالې ورورولۍ څخه د اګست مياشتې په مهال 4.6 ارب ډالره مرسته ترلاسه شوې۔يوكرين

كېف 31 اګست (اے پي پي) يوكرين وئېلي دي د روانې مياشت(اګست)په مهال 4 اربه 60 كروړه ډالره غېر ملكي مرسته ترلاسه شوې۔د چين خبري اژانس د يوكرين په مېډيا د خزانې وزير سرهي مارچنكو بيان په اړه وئېلي دي د اګست په مهال د نړيوالې ورورولۍ څخه 4.6 ارب ډالره مرسته ترلاسه شوې٬په ستمبر كښې د امريكا لخوا 1 ارب 50 كروړه ډالره او په راروانه يا د اكتوبر په مياشت كښې د اروپائي ائتلاف څخه د ميكرو فنانشل مرستې ترلاسه كېدو هم هيله ده۔اروپائي كمېشن د جون په 24مه نېټه د خاص پروګرام له مخې د يوكرين لپاره د 9 ارب يورو قرض منصوبې اعلان كړے ؤ چې پكښې يوكرين د اګست په مهال په دوو قسطونو كښې په مجموعي توګه 1 ارب يورو تر لاسه كړي۔د يوكرين خزانې وزارت وئېلي دي سږ كال د روس سره د تاؤ تريخوالي نه پس تراوسه د دوست هېوادونو څخه په مجموعي توګه 17 ارب ډالره مرسته ترلاسه شوی ده