اسلام آباد 15 جولائي (اے پي پي) صدر ډاکټر عارف علوي وزيراعظم ته يوه چيټۍ ليكلې چې پكښې وزيراعظم ته وئيلي شوي ھغه دې د هراسمنټ او جسماني تشدد پېښو پحقله د خبريالانو او د ميډيا پرسنز اندېښنې او د ګيلو لرې كولو لپاره اړوندو وزارتونو او څانګو ته د تدارك او د پېشګي اقدامات امر وكړي ۔ د ايوان صدر ميډيا ونګ لخوا صدر مملکت د نوميالي اېنکر پرسن ارشد شريف لخوا ترلاسه خط هم خپلې چيټۍ سره منسلك كړے په كوم كښې چې هغه د يو څو نوموړو خبريالانو او بېلا بېلو ذريعو څخه د راغونډو كړو معلوماتو تر مخه د صدر پام د ځورونو پېښو پلو راګرځولے دے۔ صدر مملکت لېكلې دي د هېواد آئين د رياست وګړو ته مناسب تحفظ او د حقونو وركولو پابند دے٬ پاكستان عمر له د داسې كولو هڅې كړي خو په خبريالانو او ميډيا پرسنز فشار ٬ د قانون په دائره كښې په مثبت تنقيد٬ د رائے اظهار په ازادۍ بنديز دا هر څه پخپله جمهوريت لپاره د خطر سبب دي٬ صدر مملکت ته په ليكلې شوي خط كښې ارشد شريف تور لګولے چې د ځينې عناصرو لخوا زما ځان ته خطر پیښ دے ٬ ده صدر مملکت ته د پاكستان آئين آرټيکل 4، 9، 10 اے، 14، 18، 19 او د 19 اے له مخې د بنيادي حقونو تحفظ له درخواست كړے ٶ
