د يوكرائن جنګ ځپليو لپاره يو اے اي 30 ټنه د مرستې سامان پولېنډ ته ولېږلو

دبئۍ 11 مارچ (اے پي پي) متحده عرب امارات (يو اے اي) د يوكرائن ځپليو لپاره د 30 ټنه د داروګانو٬ طبي آلات او د مرستې سامان وړومبے كهېپ پولېنډ ته لېږلے دے۔ د العريبيه نيوز له مخئ په يوکرين كښې د يواے اي سفير سالم الکعبي ووئيل د امارات الوتكې د مرستې سامان سره د پولېنډ لوئلن ښار ته رسېدلي او د مرستې سامان د يوكرائن چارواكو ته سپارلے شوے۔ د يادونې وړ ده چې امارات د ملګرو ملتونو په غږ د 50 لكه ډالرو مالي مرسته اعلان كړې ٬ چې ورسره به د يوكرائن د كډوالو بنيادي ضرورتونه ترسره كولې شي