په هند كښې په ټرافيكي پېښه كښې 2 كسان مړه او 14 ژوبل شوي

نوے ډيلے 04 مارچ (اے پي پي) د هند د ضلع منډي په جهېډي كلي كښې د مسافرو يو بس ژورې كندې ته پرېوتې او په نتيجه كښې ئې 2 كسان مړه او 14 ژوبل شوي دي. د هندي مېډيا له مخې دا پېښه هغه مهال رامېنځ ته شوه كله چې د بس ډرائيور بل ګاډي ته لار وركولو لپاره بس ريورس كولو چې بې قابو كېدو سره ژورې كندې ته پرېوتو. په پېښه كښې دوه كسان په ټكي مړه او 14 ژوبل شوي دي. ژوبل شوي كسان روغتون ته رسول شوي دي.