په بوليويا كښې د بس په پېښه كښې 11 مسافر مړه او 18 ژوبل شوي

سكرے 30 جنوري (اے پي پي) په بوليويا كښې ژورې كندې ته د بس پرېوتو په پېښه كښې 11 مسافر مړه او 18 ژوبل شوي دي. د چينائي خبر رسنې ادارې له مخې د بوليويا د پوليسو ډائرېكټر رېنزومرګاډو وئيلي دي چې د نجي ټرانسپورټ كمپنې بس د تند رفتار په وجه د ډرائيور څخه بې قابو كېدو سره د سړك نه ښوئېدلې او تقريباً 400 ميټره ژورې كندې ته پرېوتو او په نتيجه كښې ئې 11 مسافر مړه او 18 سخت ژوبل شوي دي. ژوبل شوي كسان روغتون ته رسول شوي دي. پوليسو د پېښې مقدمه درج كولو سره پلټنې پېل كړې دي.