د پاكستان او سعودي ترمېنځه به د دوه اړخيزه تجارت حجم زياتولې شي۔ خان هشام بن صديق

اسلام آباد 21 مئي (اے پي پي) په سعودي كښې د پاكستان سفير خان هشام بن صديق وئيلي دي چې د پاكستان او سعودي ترمېنځه به د دوه اړخيزه تجارت حجم زياتولې شي۔ ده دا خبرې په رياض كښې د پاكستان په سفارت كښې د پاكستان د وريژو لېږونكو د ټولګي پلاوي د سعودي د وريژو راوړونكو كمپنو ترمېنځه يوې غونډې ته د وېنا كولو په مهال وكړې۔ ده ووئيل چې د پاكستان سفارت د سعودي منډې ته د پاكستانې ټولنې هر ډول مرستې كولو ته تيار دے۔ ده د پاكستان پلاوي ته ووئيل چې په سعودي كښې دې د موقعو څخه استفاده وكړي۔