د ايكواډور په زندان كښې په نښتو كښې 24 كسان مړه او ګڼ شمېر ژوبل شوي

كوئټو 29 ستمبر (اے پي پي) د ايكواډور په زندان كښې په نښتو كښې 24 كسان مړه او ګڼ شمېر ژوبل شوي دي. د چينائي مېډيا له مخې ځائي پوليس چارواكو وئيلي دي چې د ايكواډور په ساحلي ګويا كيل ښار كښې په زندان كښې د قاچاقبرو او جرائم كوونكو ډلو ترمېنځه نښتې شوې دي او په نتيجه كښې ئې 24 كسان مړه او ګڼ شمېر ژوبل شوي دي. د يادونې وړ ده چې د دې څخه وړاندې سږ كال د فرورې په مياشت كښې هم داسې يوه پېښه رامېنځ ته شوې وه او په څلور زندانونو كښې په يو وخت په نښتو كښې 79 كسان مړه او 20 ژوبل شوي وو.