المان ٬ د 12 كالو نه د كم عمر كوچنيانو وېكسينېشن به په راروان كال كښې پېل شي

برلن۔21 ستمبر(اے پی پی) المان وئيلي دي چې هغه به د راروان كال (2022) په پېل كښې د 12 كالو نه د كم عمر كوچنيانو وېكسينېشن پېل كړي۔ د چين خبر رسنې ادارې د المان د روغتيا وزارت جېنس سپن حوالې سره وئيلي چې د هغوي هېواد به په ممكنه توګه د كال 2022 په پېل كښې د 12 كالو نه د كم عمر كوچنيانو وېكسينېشن پېل كړي۔ د المان د كورونا وېكسين جوړؤنكې كمپنۍ بائيو اېن ټېك وېنا ده چې ډېر زر به 11 كلنو كوچنيانو ته د وېكسين لګولو منظور واخستې شي۔ د يو رپورټ لمخې المان كښې 52.5 ملینه نه زياتو وګړو د وېكسين خوراك بشپړ كړے او نزدې 56 ملین نورو وګړو ته د وېكسين يو خوراك وركړے شوے دے چې ورسره هېواد كښې د وېكسي نېشن شرح 63.1 فیصد ته رسېدلې ده