ملګري ملتونه 30اګست (اے پي پي)د ملګرو ملتونو ذيلي ادارې يونېسف سوئيلي آسيا لپاره ريجنل ډائرېكټر جارج ليريا ادجيئ وئيلي دي د خوراك او بنيادي ضرورتونو د كمي له امله افعان كوچنيان د خوراك كمي او نورو مسئلو سره مخ دي او په داسې وخت كښې دوي په دې حال نشو پرېښودلے۔ ده د افغانستان دورې نه پس خپل بيان كښې وئيلي دي افغان كوچنيان په دې وروستيو كښې د زيات شوي اړي ګړي او عدم استحكام له امله سختو ستونزو سره مخ دي، چې پكښې د بنيادي صحت ستونزه د ټولو نه زياته ده۔ د ملګرو ملتونو رپورټ له مخې جنوري كال 2019 او دسمبر كال 2020 ترمېنځه 5 زره 770 كوچنيان مړه او معذوره شوي۔ ريجنل ډائريکټر ووئيل دا مهال امنيتي بحران٬ د خوراك زياتېدونكې بيعه٬ قحط ٬ د كرونا وائرس خپرېدل او د ژمي موسم په پېل كېدو كوچنيان خطرو سره مخ دي۔ يونېسف پيشنګوئيكړې كه دا موجوده صورتحال برقرار پاتې شو نو تر پنځو كالو به لس لكه كوچنيان د خوراك سخت كمي سره مخ شي او د دوي ژوند ته هم خطرې رامخې ته كېدې شي۔ ده ووئيل د 22 لكه انجونو پشمول 40 لكه كوچينان د سكولونو نه بهر دي او درې لكه ځوانانو خپلكورونه پرېښودې دي۔ د يادونې وړ دهونېسف په افغانستان كښې د انساني بحران نه بچ كېدو لپاره په دې ورستيو كښې ډونرز ته د 19 كروړه 20 لكه ډالرو غږ كړے
