عراق٬ امنيتي ځواكونو د عملياتو په مهال د داعش 23 ترهګر اووژل

بغداد 15 اپرېل (اے پي پي) د عراق په کرکوك سيمه كښې امنيتي ځواكونو د كاروائيو په مهال د داعش 23 ترهګر وژلي دي۔ د ميډيا راپورونو له مخې په عراق كښې امنيتي ځواكونو د كركوك سيمې په الشام وېلي كښې د عملياتو په مهال د داعش 23 ترهګر وژلي دي په دې عملياتو كښې فضائي مرسته هم ترلاسه وه چې په سوب ئې په ياده شوې وېلي كښې د ترهګرو په پټو ژالو بمباري شوې۔ د عراق د شريك كمانډ وياند خپل بيان كښې وئيلي دي د داعش تر بشپړه خاتمې به عمليات روان وي۔