د سوريې د پوځ په بريد كښې د 100 نه زيات ترهګر وژل شوي

دمشق 09 جون (اے پي پي﴾ د سوريې په لوېديځ حما ولايت كښې په شمالي سيمه كښې د سوريې د پوځ په بريد كښې 140 ترهګر وژل شوي دي۔ د وژل شويو كسانو تعلق د سوريې د تحرير الشام ډلې سره ښودل شوے۔ د سوريې پوځ په شمالي حما ولايت كښې ترهګر په شا تنبولي دي۔ د سوريې پوځ په حما او ادلب ولايتونو كښې د ترهګرو په ضد په عملياتو بوخت دے او پوځ وئيلي دي چې ترهګرو ته ئې لوي زيان رسولې دے۔ د سوريې پوځ وئيلي دي چې په سوريه كښې د ترهګرو وروستې اډې په حما او ادلب ولايتونو كښې پاتې دي۔