په جمهوريه كانګو كښې د ابيولا وبا خپرېدو په نتيجه كښې د مړو كسانو شمېره 201 ته ورسېده

كنساشا 11 نومبر(اے پي پي) په جمهوريه كانګو كښې د ابيولا وبا خپرېدو په نتيجه كښې د مړو كسانو شمېره 201 ته ورسېده۔ د كانګو د روغتيا وزارت لخوا په جاري شوي بيان كښې وئيلي شوي دي چې د اګست په مياشت كښې د دې وبا خپرېدو نه پس تر اوسه په دې كښې 201 كسان مړه شوي دي او په 291 كسانو كښې د دې رنځ تصديق شوې۔ پھ بيان كښې وئيلي شوي دي چې په دې كښې نيم كېسونه په بيني سيمه كښې ريكارډ كړې شوي دي او په دې ځائ كښې تر اوسه د 25 زرو نه زياتو كسانو ته واكسين لګول شوي دي۔