په سعودي كښې د چورلكې لوېدو په پېښه كښې 4 كسان په حق رسېدلي دي

رياض 16 مئي (اے پي پي) په سعودي كښې د ماحولياتو د ادارې د چورلكې لوېدو په پېښه كښې 4 كسان په حق رسېدلي دي۔ د سعودي ورځپاڼې راپور له مخې دا چورلكه د تبوك او د الجوف ترمېنځه په ځنګل كښې د لوېدو په مهال تباه شوې ده۔ په پېښه كښې د ماحولياتو د تحفظ ډائرېكټر٬ په الخنقه كښې د سپېشل فورس ډائرېكټر او دوه پائيلوټان په حق رسېدلي دي۔ په سمدستي توګه د پېښې سبب نه دې معلوم شوے۔