اسلام آباد 05 ستمبر )اے پی پی) وزیراعظم محمد نواز شریف د ازبك اولس مشر اسلام کریموف په مړينه د غمرازۍ څرګندونې له د ګل په ورځ د ازبکستان سفارت ته لاړو٬ وزيراعظم د غمرازۍ په كتاب كښې لاسليك كولو سره خپل تاثرات قلم بند كړه او غم جنې كورنۍ او ازبك قام سره ئې غمرازي ښكاره كړه۔ ازبك اولس مشر د جمعې په ورځ په حق رسېدلې و۔ د وزيراعظم د خارجه چارو سلاحكار سرتاج عزيز هم وزيراعظم سره ملګرے و۔ د خارجه دفتر وياند لخوا جاري شوي بيان له مخې وزيراعظم غم جنې كورنۍ او ازبك قام سره غمرازي ښكاره كړه۔ ده ووئيل د ازبك اولس مشر اسلام كريموف په مشرې ازبكستان په ټولو څانګو كښې ښه پرمختګ كړے۔ ارواښاد چې د ازبك اولس په زړونو كښې كوم دائمي مقام جوړ كړے هغه به تل په مينه ياد ساتلې شي۔ د هغه د مرګ سره پاكستان د يو لوي او مخلص دوست نه محروم شوے۔ وزيراعظم دعا وكړه چې لوي څښتن دې ارواښاد ته د خپل رحم په پلو كښې ځائ او غم جنې كورنۍ او ازبك قام له د زغم توفيق وركړي۔
