خارجه وزير اسحاق ډار د ملګرو ملتونو د جنرل اسمبلۍ 81مې غونډې په مهال د پاکستان په سفارتي هلو ځلو ميډيا ته بريفنګ

اسلام آباد 02 اکتوبر (اے پي پي) نائب وزيراعظم و خارجه وزير سينيټر محمد اسحاق ډار د 21 نه تر 25 ستمبر كال 2026 په نيويارك كښې د ملګرو ملتونو د جنرل اسمبلۍ د 81مې غونډې په مهال د پاكستان په پراخه سفارتي هلو ځلو ميډيا ته بريفنګ وكړې۔ د جمعې په ورځ د خارجه دفتر لخوا د جاري بيان له مخې نائب وزيراعظم د لوړې كچې غونډو٬ دوه اړخيزه ملاقاتونو او په ګڼ اړخيزه اقداماتو كښې د پاکستان په ګډون رڼا اچولې٬ د دې هلو ځلو مقصد د پاکستان د خارجه پاليسۍ ترجيحاتو ته وده وركول٬ شراكتداري مضبوطول او نړيوال امن، سلامتيا او د تل پاتې پرمختګ په وده كښې خپل كردار لوبول وو۔ ده په اهم سيمه ايز او نړيوال پېشرفت د پاکستان په موقف هم رڼا واچوله او د خارجه پاليسۍ پحقله ئې په بېلو چارو د ميډيا د پوښتنو ځوابونه هم وركړل۔