مدهيه پردېش كښې د 636 كاله پخواني تاريخي جماعت د نړولو هڅه٬   مسلم ليګ قيوم د ملګرو ملتونو  او او آئې سي نه د مسلم ورثې د تباهۍ نوټس اغستو غوښتنه

اسلام آباد ۔ 29 ستمبر (اے پي پي)  پاكستان مسلم ليګ قيوم د هند مدهيه پردېش ايالت كښې د 636 كاله پخواني تاريخي جماعت  د نړولو د هڅې  سخته غندنه كړې ده۔ د مسلم ليګ قيوم مركزي د اطلاعات ډپټي سېكرټري فېصل انور  بيان كښې وئېلي دي  د مودي انتها خوښې واكمنۍ كښې په هند كښې مېشته مسلمانانو او اقليتونو  باندې ژوند تنګ كړے شوے ۔ هغه ووئېل  د پیړيو زوړ تاريخي جماعت  باندې بريد  په اصل كښې  په مسلم تاريخ ٬ اسلامي تهذيب او په مذهبي ورثه نيغ په نيغه بريد دے۔  مسلم ليګ قيوم د هندي سپريم كورټ نه غوښتنه وكړه  چې هغه دا تاريخي جماعت سمدستي قامي او تاريخي ورثه ګرځولو سره دې ته رسمي قانوني تحفظ وركړي۔ هغه د ملګرو ملتونو او اسلامي مرستې تنظيم باندې زور راړو چې هغوي هند كښې  د مسلم ورثې منظمې تباهۍ او د مذهبي جبر نوټس واخلي۔