د کورنیو چارو وزیر د ترهګرو خلاف په بریالیو عملياتو امنیتي ځواکونو ته پېرزوئنې وړاندې كړې

اسلام آباد۔23ستمبر(اے پی پی) د کورنیو چارو وزیر محسن نقوي د شعبان-2 عملیاتو په ترڅ کښې د ترهګرو خلاف په بریالیو عملياتو امنیتي ځواکونو ته پېرزوئنې وړاندې كړې دي۔ په خپل يو بيان كښې د كورنيو چارو وفاقي وزير د فتنة الهند 6 ترهګرو په وژلو د امنيتي ځواكونو د پېشه ور صلاحيت ستائنه كولو سره ووئيل فورسز په وخت كاميابه كارروائي كولو سره ترهګر خپلو ناوړه ارادو كښې ناكامه كړې دي۔ محسن نقوی ووئيل د امنيتي ځواكونو مېړني ځوانان د ټول قام وياړ دي او هېواد څخه د ترهګرۍ تر بشپړه خاتمې به ټول قام د خپل پوځ او امنيتي ادارو تر څنګ ولاړ وي۔(