د آئي جي پي خیبر پښتونخوا د لیډي ریډنګ هسپتال پیښور دورہ، هنګو كښې د ترهه ګرو په مقابله كښې د ژوبل شوو پولیس اهلکارو عیادت

پیښور ۔ 30 جولائي (اے پي پي)د خېبر پښتونخوا پوليس  انسپکټر جنرل ذوالفقار حمید نن د زيارت په ورځ  سهار وختي د لیډي ریډنګ هسپتال پیښور دورہ وكړه ۔ چرته چې هغه  تېره ورځ  هنګو كښې د ترهه ګرو سره  مقابله كښې د ژوبل شوو پولیس اهلکارو عیادت وكړو  ۔ آئي جي پي هسپتال كښې د داخل ژبل شوو پولیس اهلکارو په عیادت کولو كښې د هغوي زر روغتيا لپاره دعا وكړه او د هغوي د لوړې حوصلې يې ستائنه وكړه۔ په دې موقع ده  د  اهلکارو او د هغوي كورنيو سره ملاقات وكړو او  هغوي ته يې د هر ممکن مرستې باور وركړو ۔ ده ډاکټروانو  نه د پولیس اهلکارو د ژوبل كېدو نوعيت او  علاج  په اړه پوښتنه وكړه ۔ آئي جي پي  ډاکټرانو ته ووئېل دې افسروانو سر په تلي كښې اېښودو سره د صوبې د اولس   سر په وياړ هسك كړے دے ٬ د دوي په علاج كښې چې بې غوري ونه شي ،  د دوي مكمل خیال اوساتې او دوي ته ټولې طبي آسانۍ په وخت وركړې ۔ ژوبل شوو سره خبرور كښې آئي جي ووئېل تاسو زمونږ قامي اتلان يې  تاسو چې د كوم جرات او مړانې  مظاهرہ کړې هغه نه يوازې پولیس بلکې د ټولې صوبې لپاره د وياړ ده  ۔  آئي جي پي ژوبل شوو ته مالي مرسته وركړه او باوي يې وركړو  چې ستاسو په علاج كښې به كومه  بې غوري نه كبږي ۔