د بلوچستان وزيراعلی مير سرفراز بګټي په مشرۍ كښې د كابينې مهمه غونډه ٬ د مالي كال 2026-27 بجټ بشپړ جاج واغستے شو

کوئټه۔ 17 جون (اے پی پی) د بلوچستان وزيراعلی مير سرفراز بګټي په مشرۍ كښې د صوبائي كابينې مهمه غونډه وشوه په كومه كښې چې  د راروان مالي كال 2026-27 مجوزه بجټ بشپړ جاج واغستے شو۔ په غونډه كښې صوبائي وزيرانو ، چیف سېکرټری بلوچستان، د اړوندو محكمو انتظامي سېكرټريز او اعلی چارواكو ګډون وكړو۔ په غونډه كښې د مالي كال 2026-27 په بجټ دستاوېزاتو بشپړ غور وشو او دې څخه وروستو صوبائي كابينې په متفقه توګه ددې منظوري وركړه۔ كابينې ته ووئيلې شو چې د بلوچستان د مالی كال 2026ـ27 بجټ مجموعی حجم 1089 ارب روپۍ تجويز كړے شوے دے۔په بجټ كښې غېر پرمختيائي خرڅونو لپاره 797 اربه روپۍ او مجموعي صوبائي پرمختيائي پروګرام (پی اېس ډی پی) له 206 اربه روپۍ بېلې كړې شوي دي۔ غونډې ته ووئيلې شوو چې د مالي كال 2026ـ27 په مهال صوبائي محصولات زياتولو سره د صوبې آمدن 170 ارب روپو ته د رسولو هدف ټاكلے شو ےدے۔ د بلوچستان وزيراعلی سرفراز بګټي غوڼډې ته خطاب كښې ووئيل صوبائی حکومت د محدود وسائلو باوجود يو متوازن ٬ حقيقت پسندانه او اولس دوست بجټ تيار كړے دے چې بنيادي مقصد يۍ د بلوچستان اولس ته د پرمختګ او روزګار موقعې او بنيادي آسانۍ وركول دي۔ كابينې په دې خبره د اطمينان څرګندونه وكړه چې د مالي كال 2026ـ27 بجټ د صوبې د ضرورتونو ٬ اولسي هيلو او د معاشي استحكام د تقاضو له مخې دے او دا به د بلوچستان د تلپاتي پرمختګ پلو يو مهم پېشرفت ثابت شي