د پاكستان سياسي او عسكري مشرتابه منطقه كښې امن او استحكام ته وده وركولو له فعاله كردار ترسره كوي: رشيد صافي

اسلام آباد31 مارچ (اے پی پی) د نړيوالو او چينائي چارو كار پوهه رشيد صافي وئېلي دي چې د باكستان موجوده سياسي او عسكري مشرتابه په منطقه كښې امن او استحكام ته وده وركولو لپاره فعاله كردار ترسره كوي۔ اے پي پي سره خبرو كښې ده ووئيل چې په حكومتي كچه د وزيراعظم شهباز شريف په مشرۍ كښې سفارتي تړون لا قوي كوي او خارجه وزير سينيټر اسحاق ډار هم په دې لړ كښې مهم كردار ترسره كوي۔ ده ووئيل چې د خارجه وزير د بيجنګ اوسنۍ دوره به مثبت اثرات ولري او د دې په نتيجه كښې به د پاكستان او چين اړيكې لا مستحكمې شي۔ د رشيد صافي له مخې پاكستان په دې وروستيو كښې نه يوازې دا چې ګاونډي هېوادونو سره اړيكې ښه كولو له جدي هڅې كړي بلكې په نړيواله كچه يۍ هم د يو ذمه دار رياست په توګه خپل كردار په ډاګه كړے دے۔