د سوريه په حلب ښار كښې ځانمرګے بريد ٬ امنيتي اهلكار مړ ٬ 2 كسان ژوبل

دمشق۔1جنوری (اے پی پی) د سوريه په حلب ښار كښې په يو ځانمرګي بريد كښې يو امنيتي اهلكار مړ او 2 ټپيان شوي دي۔ د رائټرز له مخې د سوريه داخله وزارت وياند نور الدين البابا وئيلي دي چې يو ځان مرګي بريد كوؤنكي د نوي كال په موقع د حلب ښار په باب الفرج محله كښې د چرچ په نخښه كولو هڅه كوله۔ هغه خپل ځايې ته ونه رسېد او سېكورټي ګزمې ته نزدې يۍ ځان چاؤدېدونكو توكو سره والوزولو چې په نتيجه كښې يۍ يو امنيتي اهلكار مړ او دوه نور ژوبل شول۔ ده ووئيل د بريد كوؤنكي شناخت لپاره پلټنې روانې دي۔ بلخوا كومې هم ډلې تر دې دمه د بريد ذمه واري قبوله كړې نه ده۔