د سردار اياز صادق بنو كښې د 8 خوارج په وژلو امنيتي ځواكونو ته د پيرزوئنې

اسلام آباد۔22 نومبر(اے پی پی) د قومي اسمبلۍ سپيكر سردار اياز صادق په بنو كښې د 8 هندي سپانسرډ خوارج په وژلو امنيتي ځواكونو او قانون نافذ كوؤنكو ادارو ته پيرزوئنې وړاندې كولو سره وئيلي دي چې د ترهګرۍ په ضد د جنګ كوؤنكو قربانۍ به تر اوږدې مودې يادې ساتلې شي۔ د خالي په ورځ د قومي اسمبلۍ سېكرټرېټ لخوا په جاري شوي بيان كښې سپيكر ووئيل د ترهګرو په ضد د امنيتي ځواكونو او قانون نافذ كوؤنكو ادارو كارروايۍ د ستائنې وړ دي۔ ده ووئيل د عزم استحكام لاندې روان آپرېشنز به په هېواد كښې د تلپاتي امن سبب وګرځي۔ ده ووئيل د ترهګرۍ تر بشپره خاتمې به د ترهګرو په ضد كارروايۍ روانې وي.