وزيراعظم شهباز شريف په ډيره اسماعيل خان درابن سيمه كښې د هند ملاتړ لرونكو د فتنه الخوارج 13 ترهګرو په وژلو امنيتي ځواكونو ته پېرزوئنې وړاندې كړې

نيويارك 24 ستمبر (اے پي پي) وزيراعظم شهباز شريف د ډيره اسماعيل خان په درابڼ سيمه كښې د هند ملاتړ لرونكو د فتنه الخوارج 13 ترهګرو په وژلو امنيتي ځواكونو ته پېرزوئنې وړاندې كولو سره وئيلي دي پاك پوځ او امنيتي ځواكونو د وظيفائي پوهې په سبب به د ترهګرۍ لعنت خاتمه كوٶ۔ د شورو په ورځ د وزيراعظم آفس ميډيا ونګ لخوا د جاري بيان له مخې وزيراعظم ووئيل په دسمبر كال 2023 كښې په درابڼ كښې د ځانمرګي بريد د لارې د بې ګناه وګرو ځان او مال ته زيان رسوٶنكي ترهګر په دې اپرېشن كښې وژلې شوي دي۔ ده ووئيل هېواد څخه د ترهګرۍ بشپړه خاتمې لپاره ټولې حكومتي ادارې پورا فعاله دي۔