هېواد څخه د پوليو ختمولو لپاره د صحت څانګې ډله، پولیو ورکرز او ټولي اړوندې ادارې لوظي دي۔وزیراعظم محمد شهباز شریف

اسلام آباد 19 اګست (اے پي پي) وزیراعظم محمد شهباز شریف وئيلي دي هېواد څخه د پوليو ختمولو لپاره د صحت څانګې ډله، پولیو ورکرز او ټولي اړوندې ادارې لوظي دي،د پولیو ختمولو كښې ستونزي شته خو دا لرې كول ناممکن نه دي ،پولیو كمپائنونو كښې د پولیو ورکرز کردار د ستائنې وړ دے۔د نهې په ورځ د وزیراعظم آفس میډیا ونګ د اړخه جاري بيان له مخې وزیراعظم محمد شهباز شریف د دې خيالاتو څرګندونه د روټري انټرنېشنل فاؤنډیشن صدر فرانسسکو اریزو په مشرۍ كښې ملاقات له راغلې پلاوي سره خپلو خبرو كښې وكړه ۔ملاقات كښې د صحت وفاقي وزیرِ سید مصطفی کمال،د وزیرِاعظم د پولیو مخنيوي خصوصي استازې عائشه رضا فاروق او اړوند اعلی چارواكي موجود وو۔وزیراعظم د روټري انټرنېشنل د پولیو په شان ناوړه رنځ د پاکستان څخه ختمولو لپاره د نړيوالو ادارو په شان په بشپړه مرسته مننه وكړه۔ده ووئيل د هېواد څخه د پولیو بشپړه ختمولو له د روغتيا څانګي ډله ، پولیو ورکرز او ټولې اړوندې ادارې لوظي دي،د پولیو ختمولو په لاره كښې چیلنجونه ضرور شته خو مونږ به په خپل عزم او محنت د پاکستان د زامنو او لونړو سباؤن محفوظوو۔وزیراعظم ووئيل د پولیو ختمولو كښې ستونزي شته خو دغه لرې كول نا ممكن نه دي،پولیو كمپائنونو كښې د پولیو ورکرز کردار د ستائنې وړ دے۔پلاوي د حکومت د پولیو مخنيوي اقدامات وستائېل او هيله ئې څرګنده كړه چې د وزیراعظم خاص پام لرني او قيادت په سوب به ډير زر د پاكستان څخه د دې ناوړه رنځ خاتمه ممكن شي۔ پلاوي د روټري انټرنېشنل د پوليو مخنيوي لپاره د حکومت معاونت دوامداره ساتلو له د عزم پخلے وكړو۔پلاوي ووئيل روټري انټرنېشنل تير كل 500 ملیونه ډالره د پولیو مخنيوي په لړ كښې پاکستان كښې خرڅ كړي او سږ كال هم دې مقصد لپاره د زياتو روپو خرڅ كولو خوښي لري۔ پلاوي د وزیراعظم د پولیو مخنيوي لپاره د ډلي انتخاب او د ډلې اقدامات هم وستائېل۔