د اطلاعات او خپرونو وفاقي وزير عطاء تارړ د 41م ايس ټي پي پاسنګ آٶټ دستوره كښې ګډون، د انفارميشن ګروپ افسرانو ته سندونه وركړے شول

اسلام آباد 17 جولائي (اے پي پي) د اطلاعات او خپرونو وفاقي وزير عطاء تارړ د زيارت په ورځ په انفارمېشن سروسز اكېډمۍ كښې سپېشلائزډ ټرېننګ پروګرام (اېس ټي پي) 41م پاسنګ آٶټ دستورې په مهال د انفارميشن ګروپ افسرانو له سندونه وركړي۔ په دې موقع وفاقي وزير افسرانو له په تربيه بشپړولو مباركي وركړه او د اولسي بيانيې په جوړولو او د قامي ادارو په قوي كولو كښې د پروفيشنل کميونيکيټرز په مهم كردار يې زور راوړو۔ د دستورې په پېل كښې د انفارميشن سروسز اکيډمۍ ډائريکټر جنرل عمرانه وزير خپلو د هر كلي خبرو كښې ووئيل قامي پرمختګ لپاره وظيفائي تربيه بنيادي حېثيت لري٬ جديد ابلاغ يوازې يوه ذريعه نه ده بلكې د موثره طرز واكمنۍ او اولسي خدمات لپاره بنيادي اهميت لري۔ دې ووئيل افسرانو له د اطلاعاتي نظام د عصري تقاضو له مخئ په سټريټجک کميونيکيشن كښې مهارت وركولو لپاره د تربيې دا پروګرام وضع كړے شوے۔ دې ووئيل ګډون كوٶنكې د رياستي ميډيا په اړه په عملي توګه او په بهتره توګه خبرولو لپاره د ايسوسي ايټډ پرېس آف پاکستان (اے پي پي)، د ډائريکټوريټ آف اليکټرانک ميډيا اينډ پبليکيشنز (ډي اي اېم پي)، د پاکستان ټيلي ويژن (پي ټي وي)، د پاکستان براډکاسټنګ کارپوريشن (پي بي سي) او د سائبر ونګ پشمول د مهمو قامي اداروه دوره هم كړې۔ دې زياته كړه چې افسرانو ته د ډيجيټل ميډيا د لائحې، د ناسمه معلوماتو مقابله كولو، کرائسز کميونيکيشن او په ثبوت اډانه د پېغام رسنې ذريعې قامي بيانيې ته د ودې وركولو تربيه هم وركړې شوې۔ د ټريننګ کوآرډينيټر رابعه حبيب د تربيتي پروګرام د خدوخال او په تدريسي اړخونو تفصيلي بريفنګ وركړو او د استاذانو په خاص توګه اسسټنټ پروفيسر جنيد غوري د خدمات ئې ستائنه وكړه۔ په دستوره كښې چې كومو افسرانو ته سندونه وركړے شول په ھغوي كښې سيده حفصه اعجاز، سعيده شکيل اعوان، يمنه رحمن مجتبيٰ، مينا عالم، نور مهد شيخ، شاه فيصل، محمد کامران، پاکيزه صديق، محمد ابراهيم، ذوالفقار علي او جنيد احمد شامل وو۔