صوابي كښې د دوو ډلو ترمينځه د نښتې په مهال دوه كسه مړه٬ درې ژوبل

پیښور 10 دسمبر (اے پي پي)د صوابۍ په ترلاندي سيمه كښې هائي سكول سره نزدې د دوو ډلو ترمينځه د نښتې په مهال دوه كسه مړه او درې ژوبل شوي دي ۔د صوابۍ رېسكيو 1122 وياند له مخې اطلاع ترلاسه كېدو سره رېسكيو 1122 ميډيكل ډله د پېښې ځاے ته رسېدلې او مړي او ژوبل شوي كسان يې د كالو خان روغتون ته منتقل كړي۔ د رېسكيو وياند له مخې په حق رسېدلو كسانو كښې فدالله عمر يې 50 كاله٬محمد علي عمر 55 كاله او ژوبل شوو كښې ندالله عمر 40 كاله٬سيد عمر عمر 50 كاله او قاسم عمر 32 كاله شامل دي۔