په يوټيليټي سټورونو د چينو بيعه كښې كمے راغلو ٬ نوې بيعه 140 روپۍ كلو شوه

پېښور ۔ 07 نومبر (اے پی پی) په يوټېلېټي سټورونو د چينو بيعه كښې كمے راغلے ٬ په دې اړه باقاعده اعلاميه جاري كړې شوې ۔ د تفصیلات له مخې د چينو بيعه كښې 13 روپۍ د كلو په سر كمے راغلے ۔ په دې اړه نوټیفکېشن هم جاري كړے شوے ۔ د یوټېلېټی سټورز کارپورېشن اعلاميې له مخې چيني د كلو په سر 13 روپۍ ارزان شوي چې ورسره د دې بيعه اوس 140 روپو ته راغلې ۔ تر اوسه به كلو چيني په 153 روپۍ ترلاسه كېدل۔ صوبائي حكومت شوګر ملز څخه د چينو بيعې ټيټولو خواست كړے ؤ كوم چې ومنلے شو۔ دا خبره دې ياده وي چې تر دې دمه 12 زره مېټرك ټنه چيني ترلاسه شوي كوم چې 137 روپۍ كلو اغستې شوي دي