عمران خان ټېكس غلا كوؤنكے دے۔ ده اثاثې پټې كړې او خپل جرم ئې منلې۔ په بېلوټي وي چېنلو سحر څخه تبصرې روان وې چې عمران سره كومه پبلك عهده نشته۔ هغه په كال 2002ء كښې هم د قامي اسمبلۍ غړې وو او پبلك عهده ئې لرله۔ پخوانے وزيراعظم يوازې د اقامې په بنياد وويستلې شو۔ د نجكارۍ وفاقي وزير دانيال عزيز پارلېمنټ هاؤس څخه بهر ميډيا سره خبرې

اسلام آباد۔ 15دسمبر (اے پی پی) د نجكارۍ وفاقي وزير دانیال عزیز وئيلي دي عمران خان ټېكس غلا كوؤنكے دے۔ ده اثاثې پټې كړې او خپل جرم ئې منلې۔ په بېلوټي وي چېنلو سحر څخه تبصرې روان وې چې عمران سره كومه پبلك عهده نشته۔ هغه په كال 2002ء كښې هم د قامي اسمبلۍ غړې وو او پبلك عهده ئې لرله۔ پخوانے وزيراعظم يوازې د اقامې په بنياد وويستلې شو۔ د جمعې په ورځ پارلېمنټ هاؤس څخه بهر ميډيا سره خبرو كښې ده ووئيل نن سحر څخه زه وينم چې د عمران خان او جهانګير ترين مقدمو پرېكړو په اړه په بېل ټي وي چېنلو تبصرې كېږي چې عمران كومه پبلك عهده نه لري هغه پبلك آفس هولډر نه دے هغه په كال 2002ﺀ كښې پبلك آفس هولډر او د قامي اسمبلۍ غړے وو۔ ده يوازې يوه چوكۍ لرله۔ وفاقي وزير ووئيل د اېمنسټي سكيم ترمخه ده دا منلې وه چې هغه ټېكس غلا كوؤنكے دے او اثاثې ئې پټې كړې وې۔ عمران د جرم اعتراف كړې او جرمانې سره سره ئې خپل لاس ليك سره د ټېكس جرمانه هم ادا كړې۔ ده ووئيل عمران خان د نيازي سروس مالك دے۔ ده ووئيل عمران خان قام بې لارې كوي ۔ ده ووئيل نېب كښې د بېورو كرېټس او نورو كسانو مقدمې هم شته۔