فلسطينو ډلو په بيجنګ اعلاميه لاسليك وكړو، اختلافات ختمول او شريك اتحاد قوي كولو ته اتفاق

بيجنګ 23 جولائي (اے پي پي) بېلا بېلو فلسطينو ډلو اختلافات ختمولو او د فلسطيني اتحاد قوي كولو ته اتفاق كړے ۔ د چين سركاري خپرونو ادارې سي سي ټي وي له مخې د فلسطينو ډلو ترمېنځه په بيجنګ كښې د 21 نه تر 23 جولائي د روانې مصالحتي مکالمې په پائې كښې د نهې په ورځ په بيجنګ اعلاميه لاسليك وشو۔ د چين سي جي ټي اين پخپل سوشل ميډيا پوسټ كښې ووئيل د مصالحتي مکالمې نه وروستو د الفتح پشمول په مجموعي توګه د 14 فلسطيني ډلو مشرانو ميډيا سره خبرې وكړې۔ په دې موقع د چين خارجه وزير وانګ ئي هم موجود ٶ٬ د انډيپنډنټ اردو رپورټ له مخې د نهې په ورځ د ملاقات نه وروستو د چين خارجه وزير ووئيل ډلو د روغې جوړې لوظ كړے۔ ده ووئيل په دې لوظنامه كښې تر ټولو ښكاره خبره د جنګ نه وروستو په غزه كښې عبوري قامي مفاهمتي حكومت جوړول دي۔ ده زياته كړه چې د روغې جوړې دا پرېكړه د فلسطينو ډلو كورنۍ معامله ده خو دې سره سره دا د نړيوالې ورورولۍ ملاتړ نه غېر نشوه كېدې ۔ د چين خارجه وزير ووئيل زمونګ هېواد په مېنځني ختيز كښې د امن او استحكام تحفظ لپاره د تعميري كردار لوبولو خوښي لري۔