د حج خطبه د اردو په شمول په 20 ژبو كښې يو ارب سامعينو ته رسولو له چمتوالے ونيولے شو

ریاض۔10جون (اے پی پی) د حج خطبه به د اردو په شمول د نړۍ 20 ژبو كښې وړاندې كولې شي۔ د اردو نیوز له مخې د مسجد الحرام او مسجد نبوی چارو لپاره جنرل پریذیډنسی د عرفات خطبې لپاره تر دې دمه تر ټولو لوئې ژباړنې پراجېکټ پېل كولو لپاره تيارې كوي چې مقصد ئۍ د حج خطبې د اردو په شمول 20 ژبو كښی د ګردې نړۍ يو ارب سامعينو ته رسول دي۔ په حرمېن شريفېن كښې د ديني چارو مشر شېخ ډاکټر عبدالرحمن السدېس تصدیق كړے چې د حج خطبې د ژباړنې تيارې بشپړې كړې شوي كومه به چې په 20 نړيوالو ژبو كښې په يو وخت د ډیجیټل چېنلز، پلېټ فارمز او سوشل میډیا د لارې خپرولې شي۔ د حج خطبې ژباړنه په حج سيزن كښې د ديني چارو د آپرېشنل پلان يوه لويه برخه ده چې مقصد ئۍ په ټولو ژبو كښې مسلمانانو او ګردې نړۍ ته د اسلام حقيقي پېغام رسول دي۔ دا خبره دې ياده وي تېر كال هم فرانسیسی، انګليسي ، فارسی، اردو، هاؤسا، روسۍ، ترکۍ، پنجابۍ، چینۍ، مالائآ، سواحلی، هسپانوي، پرتګالي، امهاري، الماني، سویډش، اطالوي، ملیالم، بوسنیائی، فلپائنی او فلپائنی ژبه كښې د حج خطبې ژباړنه شوې وه۔ په كال 2017 كښې په اولني ځل په 5 نړيوالو ژبو كښې د حج خطبه نشر كړې شوې وه۔ وروستو د ژبو شمېره 10 كړې شوه۔ دغسې په كال 2022 كښې دا ژبو دا شمېره 14 ته ورسېده او اوس به په 20 ژبو كښې د دې ژباړنه كيږي۔ د حج خطبه به د سمارټ موبائل فون ٬ د حرمېن شريفېن وېب سائټ او منارة الحرمېن پلېټ فام د لارې هم وړاندې كولې شي