نیویارک۔23ستمبر(اے پی پی) وزيراعظم محمد شهباز شريف د نړۍ له شتمندو هېوادونو څخه غوښتنه کړې چې پاکستان له دې په د قرضونو په دائېګۍ كشې ريليف وركړي ځکه چې د موسمي بدلون د لاسه راغلو سختو سېلابونو انفراسټركچر له مينځه وړلے ٬ فصلونه تباه شوي اود لكھونو په شمېر خلق بې كوره شوي دي٬ نړۍ له به په دې صورتحال كښې زمونږ فوري مرسته كول وي٬ پاكستان يواځې د خپلو وسائلو په بنياد د دې صورتحال مقابله نه شي كولې ۔ په راتلونكو دوو اونيو كښې د پاكستان د قرضونو دوه قسطونه ادا كول دي او حال دا دې چې سېلاب زمونږ معيشت سخت ځپلے دے۔ د جمعې په ورځ”بلومبرګ” سره مركه كښې وزيراعظم شهباز شريف ووئيل دا وخت بايد زه په خپل هېواد كښې ووم ولې چې پاكستان كښی د لكھونو په شمېر سېلاب ځپلې موجود دي، دا مهال هغوي ريليف ته اړتيا لري خو زه نړۍ د صورتحال نه خبرولو له راغے يم۔ ده ووئيل پاكستان د موسمياتي بدلونونو د لاسه سختو سېلابونو سره مخ دے ٬ د موسمیاتی بدلونونو سبب جوړېدونكو عواملو كښې زمونږ برخه د نشت برابر ده ولې د دې باوجود پكستان د نړۍ په زياتو ځپلو شوو هېوادونو كښې شامل دے۔ وزيراعظم ووئيل د سېلاب د لاسه 33 ملين وګړي ځپلې شوي٬ د 400 كوچنيانو په شمول 15 سوه كسان مړه شوي ۔ په لكھونو اېكړه ولاړ فصلونه تباه شوي ٬ 10لكه كورونه په بشپړه توګه ويجاړ شوي او د لكھونو په شمېر نورې ودانۍ په جزوي توګه ځپلې شوي۔ وزيراعظم ووئيل ما د ملګرو ملتونو د عمومي سېكتر په شمول نړيوال لارښود د دې صورتحال څخه خبر كړي او دوي ته مې دا وئيلي دي چې پاكستان په يواځې د دې صورتحال مقابله نه شي كولې۔ د ملګرو ملتونو عمومي سېكتر په خپله د سېلاب ځپليو سيمو دوره كولو سره وئيلې دي هغه داسې تباهي كله نه ده ليدلې۔ وزیراعظم ووئيل ترك صدر رجب طيب اردوان ٬ امريكائي صدر او د فرانس صدر ایمانویل ماکروں په شمول نړيوالو لارښودو په ملګرو ملتونو كښې په خپلو وېناګانو كښې په دې اړه د خپلو خيالاتو څرګندونه هم كړې او په دې خبره يۍ زور راوړے چې پاكستان دا مهال لويې مرستې ته اړتيا لري۔ وزیراعظم ووئيل نړۍ چې زمونږ كومه مرسته كړې د هغې مننه كوؤ ولې مونږ دې څخه زياتې مرستې ته اړتيا لرؤ٬ د لكھونو په شمېر كوچنيان رنځونو سره مخ كېږي٬ د ولاړو اوبو د لاسه وبائي رنځونو خپرېږي ٬ په ځپليو سيمو كښې كمبلو ٬ خوراك او په خاص توګه كوچنيانو لپاره خوراكي توكو ته اړتيا ده٬ ده ووئېل د سېلاب د لاسه د شوې زيان تخمینه 30اربه ډالره لګولې شوې ٬ مونږ د خلقو بحالۍ او بيا ودانۍ له مرستې ته حاجت لرو۔ ده ووئيل كركيله او صنعت به بحالول وي ٬ نړۍ په داسې صورتحال مونږ نظرانداز كولې نه شي۔ وزيراعظم د نړۍ شتمندو هېوادونو ٬ آئي اېم اېم او نړيوال بېنك څخه غوښتنه كړې چې پاكستان ته دې د قرضونو په ادائيګۍ كښې ريليف وركړے شي ولې چې پاكستان ته په راروانو دوو مياشتو كښې د قرضونو د ادا كولو لويې ذمه وارۍ پغاړه كېدل دي۔ ده ووئيل پرمختګ كړو ملتونو او هېوادونو له به مونږ څخه د هيلو لرلو په ځاے په روانه وضعه كښې زمونږ مرسته كول وي۔ د يوې پوښتنې په ځواب كښې ده ووئيل د روسيه صدر په ملاقات كښې د ګېس رسنې په حقله د جاج اخستو باور راكړے ولې په دې اړه تر دې دمه كوم کمټمنټ نه دے شوے۔ ده ووئيل پاكستان روسيه څخه د غنمو اخستو له خوښي لري۔ وزیراعظم ووئيل كه نړۍ زمونږ په مرسته كښې وروستوالے وكړو نو لويه بشري الميه رامخې ته كېدې شي۔ پاكستان كښې د سياسي صورتحال په اړه د يوې پوښتنې په ځواب كښې ده ووئيل مونږ يووالي٬ مصالحت او امن ته اړتيا لرؤ٬ روانه وضعه مونږ څخه د ورورلۍ څرګندونه كولو او يو بل له د مرستې لاس وركولو غوښتنه كوي٬ دا وخت خپلو كښې د اختلاف لرلو نه دے بلكه د انسانيت د خذمت او د سېلاب ځپليو مرستې له د راوړاندې راتللو دے۔ وزیراعظم ووئيل نړۍ دې په دې سخت كښې زمونږ مرستې له راوړاندې شي ولې چې كه موسمياتي بدلون نن مونږ ځپلې يؤ نو سبا د دې د دلاسه كوم بل هېواد هم ځپلے كېدے شي۔ هند سره د اړيكو په اړه د يوې پوښتنې په ځواب كښې ده ووئيل پاكستان او هند ګاونډي هېوادونه دي او مونږ له به يو بل سره په امن پاتې كېدل وي۔ امن بحالول يواځنۍ لاره ده كومې سره چې مونږ د خپل اولس ژوند پياوړې كولے شوو۔ وزيراعظم شهباز شريف ووئيل پاكستان او هند د خبرو اترو د لارې خپلې شخړې هوارولې شي
