د سېلاب او سختو بارانونو له امله په كوز دير كښې 13 كسان مړه ٬ 7 ژوبل ٬ 13 ښوونځۍ ويجاړې شوې ٬ ضلعي انتظاميه

كوز دير ۔19ستمبر(اے پی پی) د كوز دير ضلعی انتظامیې د سېلاب او سختو بارانونو له امله د رامخې ته شوي زيان په اړه اطلاع وركولو سره وئيلي دي چې په كوز دير كښې 13 كسان مړه ٬ 7 ژوبل او 13 ښونځنۍ بېخي ويجاړې او 117 نورې په جزوي توګه زيانمنې شوې دي۔ دغسې يو پل بېخي ختم او 7 نور پلونو ته جزوي زيان رسېدلې دې۔ د انفارمېشن ټېکنالوجۍ افسر افتخار خان د مېډيا نمائندګانو سره خبرو کښې ووئيل چې د سېلاب د زيان په اړه بشپړه سروې روانه ده او په دې لړ کښې به ډي ډي اېم يو دېر لوئر ډېر زر بشپړ رپورټ وړاندې کړي۔ د انفارمېشن ټېکنالوجۍ افسر افتخار خان وئيلي چې تېره ورځ په تلاش كښې د سخت باران او ګلۍ د لاسه ولاړو فصلونو ته هم زيان رسېدلې دې