په نائيجېريا كښې د سېلاب له امله 10 كسه مړه٬ په زرګونو كسان بې كوره شول

ابوجا 08 ستمبر (اے پي پي) د نائيجيريا په شمالي بوچي رياست كښې د سېلاب له امله لږ تر لږه 10 كسه مړه شوي۔د چين خبري اژانس ادارې له مخې د رياستي ايمرجنسي منيجمنټ ايجنسۍ وياند اېډمزنائولا وئېلي دي د سېلاب له امله ځينې كورونه او زمكې هم تباه شوي۔ده ووئيل ګڼ شمېر خلق د وړاندې نه د خپلو كورونو په پرېښودلو محفوظو ځايونو ته تللي او تراوسه د سېلاب ځپليو سيمو څخه د خلق محفوظو ځايونو ته منتقلي روانه ده۔ده ووئيل د مرستې ايجنسۍ په رياست كښې سېلاب ځپليو ته د مرستې څيزونه وركوي ٬ د يادونې وړ ده د نائيجېريا چارواكو په مئي كښې په 36 كښې 32 رياستونو او وفاقي پايه تخت كښې الرټ جاري كړې ؤ چې پكښې سږ كال د سخت سېلاب وراننګ وركړے شوے ؤ