په ماسكو كښې د پاكستان په سفارت كښې د آزادې د ورځې د ډائمنډ جوبلي دستوره وشوه

اسلام آباد 14 اګست (اے پي پي) د روسيې په پايه تخت ماسكو كښې د پاكستان په سفارت كښې د آزادې د ورځې د ډائمنډ جوبلي دستوره وشوه. په دستوره كښې د روسيه كښې د پاكستان سفير شفقت علي خان قومي بېرغ هسك كړو. په دې موقع د صدر مملكت او وزيراعظم پېغام هم واورول شول. په دستوره كښې ملي نغمې هم وړاندې كړې شوې. دستورې ته په خپله وېنا كښې په روسيه كښې د پاكستان سفير شفقت علي خان ووئيل چې د پاكستان او روسيې ترمېنځه په اړيكو كښې بهتري راغلې، روسيې سره د اړيكو په وده كښې د پاكستانې ټولنې مهم كردار دے. ده ووئيل چې روسيې سره اړيكې زمونږ د خارجه پالېسې ترجيحي برخه ده. په دې موقع د پاكستان د 75مې سالګرې كېك هم پرې كړې شو