په بنګله دېش كښې په سېلاب كښې د مړو كسانو شمېره 102 ته رسېدلې

ډهاكه 04 جولائي (اے پي پي) په بنګله دېش كښې په سېلاب كښې د مړو كسانو شمېره 102 ته رسېدلې. د چينائي مېډيا له مخې د بنګله دېش چارواكو وئيلي دي چې د مئي د 17مې نېټې څخه د جون تر 28مه نېټه په سېلاب كښې په 64 ضلعو كښې 27 ضلعې سختې ځپلې شوې دي او پكښې 102 كسان مړه شوي دي. د بنګله دېش رياستي وزير محمد انعام الرحمان وئيلي دي چې په سېلاب كښې زياته سهلټ سيمه ځپلې شوه ده. په سېلاب كښې په شمال او شمالي ختيځو سيمو كښې كورونو او فصلونو ته لوي زيان رسېدلے