په مالي كښې په امنيتي پوسته د ترهګرې په بريد كښې 27 عسكر او 70 ترهګر وژل شوي

بماكو 05 مارچ (اے پي پي) په مالي كښې په امنيتي پوسته د ترهګرې په بريد كښې 27 عسكر او 70 ترهګر وژل شوي دي. د چينائي مېډيا له مخې د مالي حكومت لخوا په جاري شوي يوه خبرپاڼه كښې وئيلي شوي دي چې ترهګرو د مالي په مېنځنې مونډورو سيمه كښې په امنيتي پوسته بريد كړے او په نتيجه كښې ئې 27 عسكر او 70 ترهګر وژل شوي دي. مالي د كال 2012م نه امنيتي، سياسي او اقتصادي بحرانونو سره مخ هېواد دے.